【FINTERVIEW】內地出口下半年兩大隱憂

【Now財經台】內地日前公布嘅官方製造業採購經理指數(PMI)，繼續處盛衰線以下，昨日(1日)出爐嘅財新7月製造業PMI相隔8個月再跌入收縮區，並差過預期，呢啲數據係咪反映內地經濟仍然有好多隱憂？

東亞證券高級投資策略師陳偉聰指，內地6月起公布嘅經濟數據普遍都係偏弱，不論零售、地產投資及近期嘅PMI，尤其製造業PMI，之前大半年都喺50樓上，今次跌到只得49.4，反映沿海嘅中小企之前主要靠出口作為支撐點，睇返上半年咁多經濟數據，出口係做得比較好，但呢方面要小心，點解第2季出口特別強，可能係歐美廠商擔心下半年會有關稅調整，所以提早採購。

展望下半年，Jason認為有兩個問題要留意，首先係咪會加關稅，其次係歐美經濟顯著放緩，會令補庫存意欲減少，將對內地出口造成一定衝擊。