【專家分析】美科技股短線宜減磅

【Now財經台】蘋果公司(Apple Inc.)第3季度業績略勝市場預期，收入增長近8%，雖然內地市場收入差過預期，亦係唯一銷售收入下跌嘅地區，但股價昨晚(1日)盤後仍可以靠穩，Apple呢份成績表算唔算交到貨？

博威環球證券金融首席分析師聶振邦指，Apple喺形勢上比其他科技股好少少，但如果美股整體投資氣氛唔理想，Apple股價仍有機會受壓，Apple股價隔晚跌1.7%，盤後有少少反彈，佢認為暫時唔適宜睇得太樂觀。

聶Sir又話，市場亦關注另一隻科企巨無霸英偉達(Nvidia)嘅股價，呢幾日都比較波動，對科技股嚟講，即使Apple季績交到貨，但仍受其他科技股及因素影響，所以短線嚟講佢建議做減倉部署。