【專家分析】恒生冇乜水位 不如換馬滙控

【Now財經台】恒生銀行(00011)今日(31日)中午出咗業績，股價午後曾倒插逾5%，低見95.8元，錄得逾兩年最大單日跌幅。派息方面，第2次中期息同第1次一樣，都係派1.2元，回購方面就冇新消息，只係重申4月提出嘅30億元回購計劃，為期5個月，至9月初完結，點解恒生股價午後急轉直下？

元宇證券基金投資總監林嘉麒指，派息方面冇問題，因為按年仍有增長，所以投資者都收貨，不過，市況唔好，加上呢份業績麻麻，回購又冇加碼，畀唔到市場驚喜，就對股價構成即時壓力。

KK又話，恒生股價短期仍有機會回穩，但暫時冇乜上升空間，不過，由於派息政策較穩定，適合中長線投資者繼續揸。不過，佢建議資金有限嘅投資者，寧願揀短期業績表現好，或短線能見度高嘅股份，首選係滙豐控股(00005)。