【專家分析】資金減科技股持倉因為特朗普

【Now財經台】大型科技股微軟(Microsoft)及超微半導體(AMD)，昨晚(30日)喺美股收市後出咗季績，其中，微軟因雲服務收入差過預期，股價盤後一度挫7%，不過，AMD業績好過預期，股價盤後大升8%，不過，出業績前半導體板塊已偷步跌，費城半導體指數收市亦跌3.8%，微軟業績唔好，大型科技股係咪都冇運行？

潤淼資產管理董事盧志威指，市場情緒比業績更重要，過去1年，科技股升勢強勁，喺人工智能(AI)熱潮下，微軟股價大升，市場開始留意有冇資產錯配，而微軟業績可以跟住市盈率(PE)上，所以問題唔大。

William續指，依家市場最關注美國總統大選，前總統特朗普(Donald Trump)競選時指，要將半導體公司回流美國，由於市場認為科技股未來走勢唔明朗，所以調整資金配置避險，減少科技股持倉，導致近期科技股處於一個反覆調整格局。