【期匯決算】日圓拆倉 澳元遭殃

【Now財經台】日圓拆倉下，亞太區貨幣顯著受壓，其中，澳元近期跌咗唔少，之前已連開9支陰燭，短短3周內匯價由68美仙跌至65美仙。

獨立外匯商品分析師盧楚仁認為，澳元呢輪跌得咁急，唔單止因為唔少投資者借入日圓買澳元後急於平倉，更重要係澳洲及環球經濟問題，令澳洲產品出口需求下跌，而近期大宗商品價格下跌，亦減少澳洲嘅能源收益，令匯價進一步受壓，Jasper估計，澳元短線反彈乏力，可能要下試今輪跌浪底部，即63美仙至60美仙。