【FINTERVIEW】美股再破頂要等大選後「蜜月期」？

【Now財經台】美股業績期差唔多過咗一半，截至上周五(26日)止，約40%嘅標普500指數成分股已出咗業績，當中有78%企業每股盈利(EPS)表現好過預期，市場因而將第2季整體盈利增長預測進一步上調至9.8%。

不過，富邦銀行(香港)投資策略及研究部主管潘國光認為，美國大選選情仍未明朗，單靠盈利增長表現唔足以支撐美股走勢。佢續指，現時標指估值偏高，年初至今已累升15%，大戶已相當重倉，通常會喺臨近選舉前逢高獲利回套，而過往數據反映，大選年嘅7月下旬，美股普遍會波動向下，到8月先會展開新一輪升浪，並估計期間會繼續區間整固階段，上方有3至5%空間，下方最多跌5至7%。

Vicks預期，美股企業盈利表現改善起碼降低出現大調整嘅風險，而美股下次創新高或要等到待11月總統大選舉後短暫嘅「蜜月期」，相信無論邊個政黨上台美股都會喺12月至明年第一季再衝上。