【專家分析】納指短期彈唔起原因係...
【分析】 2024/07/26 11:59
![](/CMS_images/NewsImageBig/FIN-BNC-INTERVIEW-240726-0900.jpg)
【Now財經台】美股持續波動,科技股未止跌,拖累納指連跌第3日,市場對美國經濟前景憂慮加劇,加上美國總統大選不確定性增加,投資者開始拋售估值高嘅「科技7雄」(Magnificent Seven),昨晚「7雄」中有6隻要跌。值得留意係,依家納指100已較前高位回調近10%,而2023年急升後回調逾10%,之後就重拾升勢,今次會唔會出現相同情況?
博威環球證券金融首席分析師聶振邦指,納指喺前兩次業績期都出現過喺低位反彈嘅情況,原因係美元偏強,加上持續有利好消息,令納指反彈可以持續得比較耐,不過,今次由於Netflix及Tesla出完業績股價都要跌,主要係市場普遍唔睇好今季業務前景,所以唔好對納指可以反彈有太大期望。
聶Sir又話,短線而言,科技股有機會持續走弱,估計資金會流入美債,10年期債息倒掛幅度都持續收窄。
![]() | 聶振邦 博威環球資產管理金融首席分析師 |