【FINTERVIEW】資金轉戰「科特估」概念股
【分析】 2024/07/23 11:56
![](/CMS_images/NewsImageBig/2024-07-23-12-05-14GPZ4Brkg.jpg)
【Now財經台】三中全會提及要深化國資國企改革,提升核心功能及競爭力,「中特估」概念股上半年表現強勁,但喺三中全會前後調整壓力開始浮現,「中特估」概念股估值今年升咗唔少,資金食糊係咪因為估值已經太貴?
臻享顧問董事總經理王良享指,依家內地市場焦點係「科特估」概念股,三中全會強調以科技為主,所以部分資金轉移至呢類股份。依家「中特估」概念股估值偏高,電訊股市盈率(PE)介乎11倍至12倍,能源股、油股PE就介乎7倍至9倍,現時出現調整主要係能源股及油股。
Tommy續指,特朗普(Donald Trump)有機會再入主白宮,佢嘅政綱中有好大篇幅同油企及油價有關,為咗遏通脹,特朗普可能會提高美國產油量及放寬監管,若美國石油產量及供應增加,就會令中資油股壓力大增。
另一方面,特朗普上場後可能會令俄烏停火,以及暫停向烏克蘭撥款,屆時石油供應就會增加。
![]() | 王良享 臻享顧問董事總經理 |