【槓桿致勝】恒指牛證應該點擺位？

【Now財經台】恒生指數昨日(22日)升逾200點，好倉資金轉為流出，流出逾4300萬元，淡倉就轉為流入，流入逾5851萬元。此外，牛熊證街貨比例為60%對40%，牛證重貨區喺17200點，熊證重貨區就繼續喺18000點。

大市昨日反彈，但今日(23日)就冇乜方向，投資者做部署時應該點擺位？昨日最多人加倉嘅牛證，收回價17200點，會唔會太貼？

中薇證券研究部執行董事黃偉豪指，上述提及嘅牛熊證重貨區，都係依家比較關鍵嘅支持及阻力，睇返兩個位都反映投資者擺位都係揀一啲重要關口，同埋預期大市短期波幅唔會太大，如果做擺少少嘅部署，佢建議收回價揀遠啲，減低收回風險，其次係避開重貨位，最少距離100至200點。

Ravi又話，如果睇好後市，牛證收回價宜擺17000點或低少少，槓桿唔算低，適合中線持有，熊證方面，佢建議收回價擺18000點以外。