【專家分析】點解內地消費弱「京東MALL」再擴版圖？

【Now財經台】京東集團(09618)股價今日(12日)一度升5.7%，高見112元，市傳集團旗下「京東MALL」將會進駐北京三環雙井，但現時內地消費力仍然疲弱，再擴大「京東MALL」版圖會唔會太進取？

亨達財富管理董事總經理姚浩然指，京東以前主打線上業務，一般網上購物都講求效率及既定產品，集團依家增加實體店數目，相信係瞄準想睇實物及新產品嘅顧客。Patrick認為，「京東MALL」嘅出現其實只係想多一個渠道，而唔係取代線上業務，事實上兩者可以有互補作用。

股價方面，Patrick認為，京東股價炒高後，隨時出現調整，因為網購行業前景有隱憂，佢又建議，若投資者之前喺低位買入京東，至今仍有錢賺，不妨等股價再升多少少，升至約115至118元，可以考慮先沽出約25%持貨。