我的股票

    名稱 現價 升跌

    資料報價延遲十五分鐘

    【專家分析】百度食正自動駕駛條水

    【分析】 2024/07/10 18:00

    【Now財經台】百度集團(09888)股價今日(10日)一度升逾12%,高見97.15元,更升穿50天線,錄得逾1年最大升幅。股價急升係因為北京計劃立法推動自動駕駛技術發展,依家已有自動駕駛出行服務平台「蘿蔔快跑」嘅百度,獲內地券商搶閘唱好,「蘿蔔快跑」已經喺11個城市進行測試,百度今次係咪食正頭淡湯?

    元宇證券基金投資總監林嘉麒指,早前北京就自動駕駛網約車服務推出指導意見,作為內地最大自動駕駛網約車營運商嘅百度一定係食正呢條水,「蘿蔔快跑」試行紀錄長,系統亦覆蓋好多城市,若自動駕駛網約車成為內地具潛力發展行業,百度肯定係大贏家。

    佢續指,如果喺無人駕駛方面有明確商業模型,會對股價有推動作用,但第2季業績就未必炒得起。KK又提醒,百度喺港股嘅動力唔強,如果冇好大上升動力,未來幾日可能會出現大型沽空,窒礙股價上升。

    林嘉麒
    宏匯資產管理董事及投資策略總監

    相關股票