【專家分析】美股要襟升唔係靠「7雄」要靠...

【Now財經台】聯儲局主席鮑威爾(Jerome Powell)一連兩日到國會作證，佢昨日(9日)指，雖然擔心利率持續高企會危害經濟，但亦暗示唔急於今個月減息。美股昨晚已連續第2日個別發展，其中，納指已連續第6個交易六創收市新高，升勢繼續集中喺「科技7雄」(Magnificent Seven)，其中，Tesla股價已連升第10個交易日，今年暫時累升5%，成功翻身。美國明晚(11日)會出通脹數據，有機會令市況波動，美股後市係咪仍然要靠「7雄」？

潤淼資產管理董事盧志威指，直接解讀鮑威爾嘅言論就係依家唔會減息，但之後好大機會減息，所以今年應該會減息1至2次，但長遠減息空間有幾多仍然未明朗，導致美國10年及30年期長債息落唔到去，已經同短息倒掛。

股市方面，William就話，納指近期都係靠「7雄」輪動不斷破頂，整體走勢仍然係向上，隨著美國非常緩慢地步入減息周期，債券表現將會好轉，此外，追短線固定收益如定存嘅投資者，有可能會「出返嚟」去返股市，呢個係推動股市中長期向上非常重要嘅因素。