【專家分析】農夫山泉搶茶飲市場市佔率要...

【Now財經台】農夫山泉(09633)股價今日(9日)終止7連跌，一度反彈逾4%，股價之前跳水係由「618」大減價觸發，睇返農夫山泉上市後，純利連升4年，毛利率一直企穩喺60%水平，內地市場爆「內捲」，集團優勢及業績可唔可以維持到？農夫山泉去年茶飲業務增長83%，係咪可以跑贏茶飲同業？

華盛證券財富管理部董事李偉傑指，農夫山泉喺數據上係有優勢，但茶飲市場競爭激烈，有唔少同業都跟隨農夫山泉推出冰杯，農夫山泉要爭取市佔率，需要加大廣告開支，但會影響未來毛利表現。

Jason又話，睇返集團過住業績，好多年都有增長，毛利率又穩定，一直維持55%至60%，未來可唔可以維持將取決於行業進入者喺價格嘅取態。