【專家分析】點解燃氣股「同股唔同命」？

【Now財經台】摩根士丹利發表內地燃氣行業研究報告，睇好行業整體發展，華潤燃氣(01193)股價今日(5日)逆市造好，一度升近6%，衝上逾1年高位，不過，中國燃氣(00384)股價今年以來仍要跌，其實兩家公司業務架構相似，但點解中燃股價表現差咁遠？

註冊財務策劃師協會會長黃敏碩指，燃氣股走勢比較分化，主要睇返業務推動力，潤燃分銷業務主要集中於下游，中燃就主攻中上游業務，受惠程度亦較小，雖然股價6月底曾經反彈，但整體走勢仍然疲弱。

佢又提及，雖然中燃股息率比潤燃高，但唔代表現金流較強勁，加上市場需求唔算特別大，成個燃氣板塊年初至今都被市場冷落，今次突然有幾隻跑出只係基於個別原因。