【專家分析】聯儲局官員繼續「放鷹」減息有排等？

【Now財經台】美國聯儲局理事鮑曼(Michelle Bowman)指，通脹仍有上行風險，估計局方今年唔會減息，美股3大指數昨晚(25日)個別發展，其中，道指收市瀉近300點，另一名理事庫克(Lisa Cook)亦對減息持保守態度。此外，雖然美國6月消費者信心指數下滑，但其實同過去兩年比較差距唔大，點解官員會咁「鷹派」？

潤淼資產管理董事盧志威指，原因係聯儲局最新嘅「點陣圖」有少少滯後，加上美國最近出爐嘅經濟數據並非急降溫，雖然利率見頂，但經濟仍正常運行，所以美國的確冇減息迫切性。

William又話，由於美國高息環境比預期持續更耐，令美元比預期強勢，導致其他貨幣出現沽壓，若美息持續高企，聯儲局減息步伐都唔會太快。