【專家分析】Nvidia股價回一回氣唔使太擔心

【Now財經台】美股人工智能(AI)晶片股王英偉達(Nvidia)，股價升跌都會影響成個AI板塊，以及晶片股投資氣氛，自股價上周破頂後，股價已連跌3日，昨晚(24日)再瀉逾6%，錄得兩個月以來最大單日跌幅，3日累跌13%，已進入技術性調整，市值落返3萬億美元以下，市場係咪開始擔心Nvidia增長前景及估值太高？

高富金融集團投資總監梁偉民指，Nvidia由5月出完業績至今，股價由約900美元升到約1200美元，累升逾30%，所以股價出現回調係好正常。佢又話，除Nvidia外，其他AI股亦累積咗幾誇張嘅升幅，有炒過龍嘅情況，所以亦會隨時出現回調。

Wyman續指，唔需要太擔心Nvidia股價，亦相信會升返，反而其他AI股因為收入及盈利，跟唔上股價升幅，跌咗落去就未必咁快升得返上去。