【名家給力場】聯儲局最大憂慮係美國大選

【Now財經台】美國聯儲局一如預期維持息率不變，主席鮑威爾(Jerome Powell)喺會後記者會話，由於遏通脹進展慢咗，所以會推遲減息時間，雖然最新數據反映通脹顯著緩和，但仍然過高，局方仍未有足夠信心減息，亦唔會具體講幾時開始減息。聯儲局對通脹前景係咪太過審慎？

臻享顧問董事總經理王良享指，聯儲局今次的確係對前景較審慎，但唔係因為通脹，睇返數據，通脹上升速度係減慢咗，5月核心消費物價指數(CPI)僅升0.16%，係2021年8月以來最低水平。

Tommy話，依家聯儲局最大憂慮係美國大選，一旦特朗普(Donald Trump)及共和黨，分別重新入主白宮及控制參議院，很大機會通過加關稅、收緊移民政策等，而呢啲政策無可避免會推高通脹，假設上調關稅10%，通脹嘅影響最少1%，因此，難免令聯儲局對前景較為審慎。