【期匯決算】暑假「回鄉」前要唱定Yen？

【Now財經台】日本財務省早前公布，過去1個多月大灑約627億美元穩定日圓匯價，係有紀錄以來最大規模。財務大臣鈴木俊一首次承認有出手干預匯市，並指上月行動有一定效果。

鈴木俊一發表講話後，日圓匯價略微反彈至155兌1美元水平。不過，以目前日本經濟及通脹來看，市場預料日本央行短期冇咩可能加息。連連STAR FX總經理陳欣亦認為，美國聯儲局嘅減息預期一再推遲至11月或以後，相信日圓喺第3季繼續疲弱。

Chase又話，暑假要去日本旅行唔使急住唱Yen，指日圓兌美元好難跌穿160嘅日央行底線水平，只要匯價接近156至158都係唱Yen良機。