【名家給力場】港股估值修復完成未?
【分析】 2024/05/31 15:56
![](/CMS_images/NewsImageBig/FIN-BNC-GEILIA-240531-1300.jpg)
【Now財經台】雖然港股早前表現強勢,單日成交更一度大增至2000億元,但仍未能斷言為大升市,恒生指數果然喺19800點前止步,一度高見19706點,但之後掉頭連跌3日,大市近期嘅調整及估值修復係咪已經完成?
冠域商業及經濟研究中心主任關焯照指,如果睇返保歷加通道,恒指已接近下限,即18000點水平,係一個心理關口,如果守唔住,可能會進一步回落至250天線。
關博士亦指,若估值修復完成,意味大市已觸頂,而恒指之前一度高見19700點水平,同摩根士丹利嘅目標價好接近,問題係如果完成估值修復,恒指唔應該仲喺一個咁平嘅水平,而係回歸中位數市盈率(PE),即20000點以上水平,所以仍未到「均值回歸」水平,今次可能係超跌後反彈,因為相比其他股市,港股估值仍然平好多,最終資金可能由較貴嘅市場重投港股,再加上有內地政策支持,估計恒指有機會自低位反彈近5000點水平。