【專家分析】「Sell in May」應驗質低美股

【Now財經台】雖然美股近期連日急挫，但3大指數今個月累計仍有得升，但走勢似乎轉差，係咪有資金獲利離場嘅情況？坊間一直話「Sell in May」，如果真係有呢個情況，係咪要6月以後先反映？

博威環球證券金融首席分析師聶振邦指，基本上係出現咗「Sell in May」呢個情況，現時美股缺乏利好消息，所以市場將焦點逐步轉移至經濟數據，不過，數據表現又似乎傾向負面較多，令投資者沽貨意欲大增，同美股嘅走勢形成一個反差，因此，資金由股市轉投債市亦唔奇怪。

聶Sir又話，傳統股沽壓相對較大，導致道指幾乎冇得升，反觀由科技股主導嘅標指及納指都有得升，而喺AI晶片股王英偉達(Nvidia)仍算強勢下，可以保持住科技股嘅指標性。