【名家給力場】核電概念公用股太貴兼息少 不如買...(上)

【Now財經台】市場觀望聯儲局議息會紀錄，以及人工智能(AI)晶片龍頭英偉達(Nvidia)業績，美股3大指數隔晚(21日)高收，其中，納指及標指齊創收市新高，後者收報5321點，升穿之前高位。睇返美股唔同板塊，其中，公用股表現最突出，點解呢類股份可以跑出？

「股市漁夫」創辦人莊志雄指，依家美股最強板塊係公用股，第2季至今公用股交易所買賣基金(ETF)累升11%，大幅跑贏標指，必需消費品ETF亦升得靚過標指，而呢兩個防守性板塊係升得最好。

Lewis續指，電力公司Vistra Energy(VST)及Constellation Energy Corporation(CEG)係最強公用股，不過，估值已經太貴，因為揸美債最少收4至5厘息，造定期更有5厘以上，反觀VST及CEG股息率唔夠1厘，純粹炒核電概念。佢又指，如果投資者想炒核電概念，不如直接買核電相關股，例如Global X鈾ETF(URA)，都值得留意。