【專家分析】美經濟能否「軟著陸」仍有變數

【Now財經台】美國長債息再次落後短債息，市場擔心經濟好快陷入衰退，美國零售巨企沃爾瑪(Walmart)昨晚(17日)出咗首季度業績，上季按年多賺逾2倍至51億美元，好過預期。此外，集團又睇好業績前景，上調2025年財年收入及盈利預測，不過，喺消費者態度轉趨慎審下，投資者係咪唔應該對美股後市睇得太樂觀？

博威環球證券金融首席分析師聶振邦指，短期唔好期望美股會有好明顯嘅升勢，始終美國經濟有衰退風險，市場對消費者購物模式嘅轉變關注度高，而當物價高企時，就要留意勞工市場，因為唔少大型企業仍間歇性裁員，暫時睇嚟美國經濟「軟著陸」嘅不確定性仍然較高，即使美股隔晚(16日)有得升，但佢認為，後市最多只會喺高位徘徊。