【期匯決算】油價短期上升動力唔大

【Now財經台】美元轉弱，利好以美元計價嘅油價走勢，紐約期油及倫敦布蘭特期油分別重上每桶79美元及83美元水平，美國能源資訊署(IEA)昨日(15日)公布，上周原油庫存減少近251萬桶，超預期，反映原油需求理想，但IEA仍下調今年全球石油需求增長預測，限制了油價升勢，除供需因素外，亦要考慮仍然膠著嘅中東局勢，油價短期係咪唔會大上大落？

獨立外匯商品分析師熊俊傑指，睇返油價基本面，應該唔會出現一面倒向上或向下嘅情況，仍然係一個上落格局，始終影響油價嘅因素仍較為反覆，現時油價整體趨勢仍以向下為主，如果有意入場，不妨等油價再升多約2美元，以及稍為穩定後再入手會更好，而油價暫時上升動力唔大。