【期匯決算】美匯指數升至106.5料止步

【Now財經台】美國聯儲局副主席傑斐遜(Philip Jefferson)指，應維持現時嘅利率水平，直至通脹顯著回落。雖然市場預期明晚(15日)公布嘅通脹數據持續高企，但油價暫時呈橫行格局，加上美國唔少數據顯示經濟有放緩跡象，聯儲局年底前仍有望減息？美匯指數喺105似乎有支持，後市係咪會繼續橫行一段時間？

連連STAR FX總經理陳欣表示，其實聯儲局都估計唔到通脹幾時顯著放緩，所以幾時減息仲要睇多啲數據，明晚出爐嘅通脹、零售銷售數據都好重要，再評估美元會點走，但局方一啲鷹派嘅講法已price in咗喺匯價，不過，即使美元持續強勢，美匯指數上到前高位106.5後，要再上難度就較高，下方支持就睇104至104.5。