【專家分析】GameStop離奇爆升純炒作？

【Now財經台】據《彭博》調查顯示，在一眾資產類別中，不論機構或個人投資者都最睇好黃金，其次係大型科技股。美股3大指數昨日(13日)個別發展，其中，納指收市微升，值得留意係，好耐冇乜動靜嘅迷因股GameStop，股價一度升逾倍，事緣喺2021年GameStop事件中帶頭挾淡倉，美國財經界著名網紅Keith Gill疑暗示會重出江湖，GameStop呢浸係咪純屬短暫炒作？

高富金融集團投資總監梁偉民認為，雖然GameStop業績有改善，但一夜之間突然爆上係比較奇怪，事實上，GameStop市盈率(PE)已高達300倍，短期盈利增長唔太可能支持到咁高PE，公司盈利增長空間亦唔大，認為純粹係炒作，投資者有時為炒而炒，唔會放過任何投機機會，即使美國咁成熟嘅市場，都會出現呢啲現象，投資者要小心呢浸炒作唔會太持久，Wyman估計，GameStop爆升後會大幅回落，如果想買GameStop都只可以做短期投機操作，唔適宜做長期部署。