【FINTERVIEW】內地全撤住房限購機會微

【Now財經台】內地繼續出招救樓市，杭州最新宣布全面取消住房限購措施，若有意買樓嘅家庭多過市場現有嘅新盤，發展商可以自主銷售。此外，依家放緊盤嘅業主，再買樓可以用首置身份造按揭。市場最希望見到內地撤銷所有限制措施，因為部分一線城市如深圳、北京都只係有限度鬆綁，未來全國撤銷限購機會大唔大？

資深經濟學家林樵基認為，杭州最新政策會見效，依家嘅重點係經濟及市民係想買樓，還是買多啲樓，杭州今次撤銷限購會加強市場對政府支持樓市嘅信心。

佢又指，一線城市現行政策係正確，始終呢啲城市商業活動較多，人員流動較快，對房地產需求自然較大。不過，佢估計，全國或一線城市全面鬆綁機會唔大，始終一線城市嘅房地產需求較大，而內地每個城市嘅庫存、經濟情況等都唔同，最重要係評估每個城市嘅買樓需求，並要考慮用咩針對性政策幫樓市發展。