【名家給力場】中資股呢浸最少升多1個月(下)

【Now財經台】近期中資股反彈，走勢相當強勁，恒生國企指數由3月底至昨日(7日)止，明顯跑贏美國標普500指數。「股市漁夫」創辦人莊志雄認為，今次唔係純資金市，MSCI中國指數嘅估值跌至2022年第4季以來最低水平，以現時約9倍市盈率(PE)來看，相信已反映好多負面消息，若參考2022年估值見底後指數嘅反彈情況，估計今輪升浪最少可再持續4至6周。佢又指，基金減持中資股已見底回升，中國股票基金錄得近兩個月以來最大資金流入。

Lewis續指，依家最值得留意係出完業績後，股價明顯上升嘅非指數成分股，因為股價唔係靠基金焗追而帶動，而係有靚業績及高beta支持，佢又點名攜程集團(09961)、泡泡瑪特(09992)、赤字城科技(09911)、美圖公司(01357)及復宏漢霖(02696)。