【專家分析】藥明孖寶唔驚美《生物安全法》

【Now財經台】雖然《生物安全法案》已喺美國參議院壓倒性通過，藥明系股價一度急瀉，但要總統拜登簽署成為法案仍要過好多關，其中1名發起法案嘅議員已經離任，藥明康德(02359)指，至今未有重大項目被取消或影響新項目，反而首季有40%新項目來自歐美客戶。不過，摩根大通下調集團今年收入預測及目標價，如果想部署藥明生物(02269)及藥物康德要留意乜嘢？

博威環球證券金融首席分析師聶振邦指，法案對藥明系影響唔大，其中，已出咗首季業績嘅藥明康德表現唔差，但受法案影響，收入及純利都減少，但歐美業務收入同比有增長，加上內地經濟回穩，相信藥明生物及藥物康德上半年業績唔差。

聶Sir又話，依家藥明康德市盈率(PE)僅約9倍，股價下一個阻力介乎45至50元，現價買入風險唔算大，如果想再穩陣啲，可以喺35至36元做部署，至於藥明生物現價跟3月高位，即22元水平仲有好大距離，喺16至16.5元會有阻力，所以可以吼13.5至14元買入。