【期匯決算】咖啡價格回落僅屬短暫

【Now財經台】本周主要農產品價格齊向下，其中，以可可跌幅最大，緊隨其後係咖啡，本周累跌近8%。哥斯達黎加4月咖啡出口回升，隨著供應增加，係咪不利咖啡價格？

英皇期貨營業部總裁葉佩蘭指，之前由於咖啡供不應求，導致價格上升，原因係越南及巴西減產，加上有報道指呢兩個國家嘅農民囤積咖啡，令價格火上加油。

佢又話，越南及巴西咖啡出口回升，供應層面上有所紓緩，價格亦開始回落，但相信只係一個短期現象。