【專家分析】Apple靠史上最大規模回購「救價」

【Now財經台】蘋果公司(Apple Inc.)昨晚(2日)出咗第2財季業績，市場最關注嘅iPhone銷售跌逾10%，但其實都係市場預期之內，集團又公布歷來最大規模，高達1100億美元嘅回購計劃，又宣布增加派息，刺激Apple股價盤後一度飆逾7%，到底呢個史上最大規模回購計劃，可唔可以以令Apple股價起死回生？

博威環球證券金融首席分析師聶振邦認為，Apple股價已連跌5個月，加上股息相對低，即使股價跌到咁，股息率都唔夠1%，但相信咁大規模嘅回購計劃可以穩定返股價。Apple股價上月高位約178美元，噚晚收報173.0.3美元，短期有機會彈上180美元樓上，即上返前兩個月嘅高位180至185美元。

不過，聶Sir提醒，美股投資氣氛開始轉弱，所以唔好對Apple嘅反彈力度有太大憧憬，而有意入市嘅投資者亦要控制注碼。