【期匯決算】日本要減少買債先托得住Yen

【Now財經台】日圓今個月以來累計貶值逾4%，表現係十國集團(G10)貨幣中最差，昨日(29日)一度失守160兌1美元，但之後急速反彈至154水平，最新喺156.7水平上落。

連連STAR FX總經理陳欣表示，日圓大幅波動令市場猜測日本央行已低調出手，雖然日本負責外匯事務最高官員神田真人對此「不予置評」，但指當局已做好24小時隨時採取行動干預匯市嘅準備。佢續指，另一個可能係美國商品期貨交易委員會(CFTC)一個頗高壓嘅淡倉，趁日圓匯價觸及160水平嘅時候平倉。

Chase認為，單靠政府出手干預匯率對日圓走勢影響唔大，而日匯貶至160係日央行嘅底線，預期下次議息或有大動作，提出減少買債規模先有機會穩定到匯價。佢預期，日圓兌美元匯價短線阻力位喺154，支持位160。