【FINTERVIEW】美股科企7雄拖冧標指？

【Now財經台】市場靜待電動車龍頭Tesla今晚美股收市後出業績之際，瑞銀最新下調除Tesla外科企7雄(Magnificent 7)評級，英偉達(Nvidia)、蘋果公司(Apple Inc.)、Facebook母公司Meta、亞馬遜(Amazon)、微軟(Microsoft)及Google母公司Alphabet全部由「增持」降至「中性」評級。

雖然標普500指數屢創新高，但其實標指內唔少科技股近日見頂回落，東亞銀行高級投資策略師陳偉聰亦指出，市場對標指成分股首季盈利預測，已經下調近2%。

Jason續指，標指升勢同企業盈利預測走勢背馳，係因為人工智能(AI)概念股過熱，股價出現超買情況增加，依家業績期開始見真章，市場或對標指企業盈利增長信心減弱而出現估值下調，料標指未來或要經歷較深度調整。