【專家分析】中石油有機增派息比率

【Now財經台】雖然港股今日(16日)顯著下挫，但中國石油股份(00857)逆市跑出，股價一度升逾3%，創2007年12月底以來新高，亦是表現最佳藍籌，成交額亦明顯增加，中石油A股亦升得靚，總市值更一度突破2萬億人仔。摩根士丹利將中石油H股加入A股及港股關注名單，美銀證券亦叫繼續買中石油，喺A股及港股今日大跌下，仍有大量資金湧入買貨，到底反映乜嘢？

信達國際研究部董事趙晞文認為，國際油價係其中一個主要助力，若中東局勢進一步升溫，油價勢再上，加上中石油嘅自身因素，具國企背景，年初起盈利能力亦逐步提升，都係資金睇好集團嘅原因之一。佢又提醒，投資者要留意中石油派息比率係咪可以進一步提高，而集團未來數年資本開支及營運成本相對穩定，原因係有盈利槓桿及自由現金流增加，未來派息比率有機會提升。