【槓桿致勝】博好倉揀恒指牛證要遠少少

【Now財經台】港股暫時連跌第4個交易日，恒生指數今朝(16日)低開後，跌幅擴大，一度挫近300點。好倉繼續有資金流入，今朝流入4500萬元，5日合計有1億元資金坐貨，淡倉5日合計有約2200萬元資金流出。此外，牛證重貨區介乎16200至16300點，其中，16200點是最多人加倉位置，熊證重貨區就喺17200點，最多人加倉係16800點。大市連日下跌，明顯見到資金流較多部署好倉，今日係咪仍然維持呢個趨勢？

中薇證券研究部執行董事黃偉豪認為，港股短期走勢會較為反覆，過去幾日投資者博好倉，因為當時見到大市借勢回落，加上技術上仍未跌穿移動平均線，不過，今朝再跌就有少少破壞咗短期上升趨勢，50天及100天線已失守，即16400點水平。

Ravi又話，如果想博好倉，例如牛證就要從收回價著手，宜揀距離現價遠少少，以過夜為主至少要擺喺15500點水平。