【名家給力場】抽茶百道宜一手起兩手止

【Now財經台】內地茶飲店茶百道(02555)今日(15日)開始招股，籌逾25億元，係今年新股「集資王」，茶百道招股價17.5元，入場費約3500元，同已喺本港上市嘅同業奈雪的茶(02150)，仲有經營天仁茗茶自營店嘅賓仕國際(01705)比較，茶百道有冇優勢？呢隻新股又抽唔抽得過？

《香港股票財技密碼》作者梁杰文指，茶百道有一定吸引力，因為規模比賓仕及奈雪大，若成功上市，市值將高達200億元，加上概念獨特，收入及純利可觀，不過，雖然加盟店模式會令開店速度快，毛利率又高同業一截，但要留意加盟店管理質素，同埋能唔能夠持續高速擴張。

Mike又話，專注外賣定單係大勢所趨，即使茶百道盤數靚，但新股始終要睇估值，茶百道市盈率(PE)約22倍，但喺依家嘅投資環境下，定價未必有吸引力。佢又提醒，茶百道最大隱憂係冇基石投資者，因此，如果想抽呢隻新股宜一手起兩手止較穩陣。