【名家給力場】關博士:聯儲局唔會急於加息

【Now財經台】美國上月通脹超預期，聯儲局減息時間好大機會再押後，估計加息次數亦會大減。雖然美債息持續向上，但美股反應冷靜，科技龍頭英偉達(Nvidia)及蘋果公司(Apple Inc.)都升得靚，呢種情況應該點解讀？

冠域商業及經濟研究中心主任關焯照認為，債息升係因為通脹數據連升3個月，並高過預期，導致市場對聯儲局6月減息嘅預期急降溫，減息次數預期亦愈來愈少，雖然貨幣政策相對收緊、利率水平距離中性利率仍遠，但經濟似乎仲頂得住。關博士又話，由於聯儲局以經濟穏定為大前提，所以依家唔會急於減息，以免刺激通脹。