【FINTERVIEW】聯儲局官員減息言論聽下就算？

【Now財經台】聯儲局主席鮑威爾(Jerome Powell)日前繼續「放鷹」，指美國經濟及就業市場強勁，加上通脹高過預期，局方仍有時間觀察通脹情況，小心考慮首次減息時間。不過，最新有聯儲局官員指，今年有可能唔減息，市場減息預期隨即，更拖累美股昨晚(4日)下挫，亞太區股市今早(5日)普遍受壓，究竟官員嘅言論參考價值大唔大？

東亞銀行財富管理處投資策略師陳偉聰指，鮑威爾一直都冇畀一個清晰嘅息時間點，只不斷重申要觀察通脹，而所有數據都反映美國經濟仍然強勁，包括美國樓市銷售數據強勁、3月消費物價指數(CPI)及生產物價指數(PPI)高企，所以官員嘅言論有變係合理。

不過，Jason認為，聯儲局「放鷹」都同市場預測太進取有關，因此，官員嘅言論其實冇太大參考價值，佢又提醒，投資者要繼續留意數據，例如今晚出爐嘅非農就業數據，唔好只著眼於新職位有幾多，亦要留意失業率及修訂數字等。佢又指，要出現極端情況先會令市況壓力增加，只要唔係「黑天鵝事件」，對美股或外圍股嘅影響唔大。