【名家給力場】美債息高企反映通脹難受控(下)

【Now財經台】由於市場預期，美國聯儲局唔會咁快減息，美國10年期國債息率一度創今年新高，突破4.4厘，呢個走勢有咩啟示？

「股市漁夫」創辦人莊志雄指，一直叫市場留意4.4厘呢個位，因為「新債王」岡拉克(Jeffrey Gundlach)曾經講過，4.4厘呢個高位會對資產價格造成壓力，係一條警戒線，第2季一開局就挑戰呢個位，暫時唔肯定衝穿4.4厘後，會唔會再一直上衝，如果真係衝穿，突破埋5厘都唔出奇。

Lewis又分析指，聯儲局2022年中啟動加息周期後，當年第2季都曾加息0.75厘，債息幾日內抽高50點子，但之後一直冇乜大變動，直至今年2月公布消費物價指數(CPI)後，債息急升逾30點子，後來聯儲局不斷「放鴿」，令市場認定上半年將會減息，不過，債息不單冇跌穿4厘，反而向上挑戰4.4厘，反映債市或長債投資者認為，聯儲局依家嘅做法會令長期息率落唔返黎，意味美國長期通脹已較難控制。

至於6月係咪會減息，Lewis就話…