【專家分析】內地消費降級不利招行？

【Now財經台】招商銀行(03968)昨晚(25日)出咗全年業績，去年多賺6%至1466億人仔，營業收入跌逾1.6%，信用減值損失跌近30%，經營開支亦減少。單計第4季，收入及溢利按季微跌，但按年就有得升，呢份業績收唔收貨？值得留意係，招行業務以消費信貸及信用卡主，內地消費降級兼陷入通縮，對招行前景有咩影響？

華盛證券財富管理部董事李偉傑認為，招行今次業績唔算差，但仍有改善空間，今次重點係派息，因為今次派息金額係10年以來最多，因此，對股價前景較為樂觀。

至於招行前景，Jason認為，內地消費降級對招行收益有一定影響，事關招行本業績好倚賴信用卡、消費信貸，雖然集團都有內房相關業務，但比例唔算高，所以內地消費情況對招行有一定影響。