【名家給力場】盈滙真係揀啱收購對象？

【Now財經台】細價股盈滙企業控股(02195)宣布收購勇往控股100%股權，總代價2200萬元，盈滙將會發近1.75億新股支付交易，相當於擴大後股本近15%，每股發行價0.126元，較上周五(22日)收市價折讓約16%。目標公司去年先扭虧為盈，依家持有RMAA工程承建商及建材分銷商兩家公司，盈滙通告好強調冇買貴貨，真係物有所值？

《香港股票財技密碼》作者梁杰文指，雖然呢單收購可帶動盈滙橫向及垂直發展，以及潛在交叉銷售協同效應等，牌面上係合理，但實際上都有令人質疑嘅地方，因為本港工程行業冇咁規範，例如會出現圍標等情況，令人覺得進行呢種整合未必對公司前景有幫助。

Mike又話，即使要做收購，都應該揀較有規模嘅公司，唔係勇往呢類只成立咗幾年，盈利唔穩定，喺行業又冇乜知名度嘅公司。不過，如果勇往真係賺到錢，可能或多或少少都有助盈滙虧損收窄。