【期匯決算】英鎊短期續於1.27至1.29上落

【Now財經台】「超級央行周」屆尾聲，日本、澳洲、美國已先後公布議息結果，英倫銀行議息結果就今晚(21日)出爐，市場估計，將連續5次會議按兵不動，指標利率維持於5.25厘。英國通脹降溫之餘，亦略低過預期，數據出爐後，英鎊曾跌穿1.27，今日就顯著反彈，最新再逼近1.28水平，英鎊後市會點走？

亨達集團助理總經理羅明立指，英國最新公布嘅通脹數據，可以令英倫銀行考慮係咪可以早啲減息，而英國政府都希望可以透過減息撐經濟，始終當地經濟基本面唔係太理想，通脹數據出爐後，英鎊先跌後升，但佢估計，英鎊短期會喺1.27至1.29上落。