【名家給力場】關焯照:美國今年或只減兩次息

【Now財經台】美國2月消費物價指數(CPI)及生產物價指數(PPI)略超預期，令市場認為美國通脹黏性頗強，PPI出爐後，利率期貨顯示聯儲局6月減息預期輕微降溫，有分析指，反映局方唔急於減息，睇返現時嘅情況，係咪不宜對6月開始減息太樂觀？月底出爐嘅個人消費支出(PCE)物價指數又有幾重要？

冠域商業及經濟研究中心主任關焯照指，CPI重要性低過PCE，CPI主要反映市場趨勢，美國核心及非核心CPI都高過預期，PPI就處於低水平，但要留意有低基數效應，所以PPI未來有可能回升至2%或以上，跟疫情前相若。

關博士又提及，CPI反映美國通脹黏性，預期租金會持續回落，但速度會較慢，依家租金佔CPI約44%，佔PCE則約20%，所以租金對PCE影響較細。

至於聯儲局今年減息次數，佢預期，可能只減兩次息，即使6月減息，但再下一次減息就要等到大選後，避免經濟反彈。