【期匯決算】若銅價突破8900美元可入手

【Now財經台】銅價突然爆上，倫敦期銅抽升3%至每噸8900美元樓上，有報道指，中國煉銅企業喺北京開會討論包括減產等措施，係咪炒作呢單消息？銅價可上望咩水平？

獨立商品外匯分析師熊俊傑指，內地煉銅企業競爭激烈，銅礦加工價格持續下降，導致利潤減少，個別廠房甚至錄得虧損，可能需要減產，甚至關閉，整體而言會令銅供應減少，消息一出，就令銅價飆升。

Ken建議，若開會傾減產消息未能證實，銅價將會急挫，相反，若消息屬實，而銅價又可以突破8900美元呢個重要關口，投資者可以考慮喺呢個位買入。