【期匯決算】人仔可穩守7.25水平

【Now財經台】十四屆全國人大二次會議今日(5日)開幕，國務院總理李強喺政府工作報告中預期，今年經濟增長目標約5%，市場認為呢個目標進取，經濟增長要達標，貨幣政策要點樣配合？人仔未來走勢又係點？

連連STAR FX總經理陳欣指，由於今次有大規模刺激政策出台，估計經濟增長可「保5」，並有助人仔走強，雖然寬鬆貨幣政策持續不利人仔走勢，但長遠而言，人仔匯價仍有國家工具支撐，應該可以穩守7.25水平。

Chase又預期，一系列政策出台後，內地經濟可望回暖，長線嚟講，人仔會強返少少，短線就要視乎美國聯儲局會唔會減息，估計人仔會喺7.15至7.25水平上落。