【槓桿致勝】聯通CALL要揀長身

【Now財經台】中國聯通(00762)發盈喜，預期全年多賺12%，股價今日(5日)逆市炒上，價外CALL行使價大部分約7.2元，較短身約60日到期嘅CALL，槓桿做到9倍，長身少少約90日到期嘅CALL，槓桿只得7倍，邊類CALL較值博？

中薇證券研究部執行董事黃偉豪建議揀長身CALL，雖然聯通發咗盈喜，但其實股價今日唔算升得靚，呢類股份即使走強，睇返過往表現，都只係呈反覆緩慢上升格局，因此，揀可以揸耐少少嘅衍生工具會比較明智。

Ravi表示，較長身嘅CALL，槓桿有7倍都算吸引，由於「中特估」概念今年仍然流行，對聯通呢類股份都有正面支持，但要留意聯通股價依家喺6元水平有阻力，要升穿6元先有進一步上望空間。