【專家分析】揀電動車股先睇市佔率

【Now財經台】Tesla股價今年累跌20%，集團喺內地生產嘅汽車，銷量跌至逾1年最少，事實上，唔止Tesla銷售跌，內地成個電動車市場銷售喺2月都要跌，所以電動車股近期都要捱打，其中，理想汽車(02015)港美股價昨日(4日)齊插水，到底電動車市場前景如何？

高富金融集團投資總監梁偉民指，全球電動車嘅競爭愈嚟愈激烈，對所有車企嚟講都唔係好事，不過，Tesla上月喺內地生產嘅汽車，銷量按月跌16%，估計只係受春節假期因素影響，唔代表全年銷售差，但喺電動車企減價戰下，毛利受壓繼而拖累盈利增長嘅情況，相信會困擾所有電動車企。

Wyman又話，市場對電動車企盈利增長嘅憂慮將會持續，如果投資者仍對Tesla及內地電動車股有興趣，除非見到某隻股份市佔率顯著提升，否則，唔建議現階段入手。佢又指，Tesla估值唔平，現價完全唔吸引，市盈率(PE)最少要40倍樓下先算吸引。