【名家給力場】梁杰文:唔建議恆宇小股東供股

【Now財經台】恆宇集團(02448)股價今日(4日)一度急瀉逾26%，創新低，集團上周五(1日)晚發通告，建議股份20合1，待增加法定股本及合股後，建議「1供4」，發行最多2.32億股合併股份，供股價3.4仙，較上周五收市價折讓約19%，集資淨額1.55億元，其中，90%用作還銀行貸款，餘下10%就用作營運資金，點解公司會有咁嘅舉動？

《香港股票財技密碼》作者梁杰文認為，其實呢個消息都算係預期之內，因為公司半年前曾收到債權人清盤呈請，反映有債務及資金鏈問題，所以趁依家市場氣氛略為好轉供股集資，股價今日急瀉反映消息對股東嚟講係幾震撼，更寧願要錢唔要貨。佢相信，合股係為供股鋪路，因為股份係仙股，進行大比例供股活動係有要求。

恆宇股價今日喺大成交下重挫，曾低見3.1仙，小股東應唔應該參與供股？Mike就話，除非喺短時間內或供股截止前股價彈返起，否則，唔建議供股，原因係…