【專家分析】理想汽車股價守到呢個位仍可睇好

【Now財經台】理想汽車(02015)周二(2月27日)出完業績後，股價狂飆逾20%，升穿所有移動平均線，理想股價2月累升67%。集團除咗訂立全年80萬架嘅銷售目標外，又話未來5年唔會推出車價平過20萬人仔嘅車款，係咪反映理想認為有空間犧牲毛利率去追銷量？

註冊財務策劃師協會會長黃敏碩表示，雖然毛利率係一個好好嘅示範指標，但面對營運成本，或要控制電池佔電動車嘅成本，所以認為目標唔可以講得咁死。

至於理想高位回套壓力大唔大，Michael認為，有自然調整係合理，之前股價曾微轉跌，但因為理想業績交到貨，令市場另眼相看，令股價可以喺咁短時累積頗大升幅，由於資金都比較集中，所以就算之後股價回落，只要守得住160元，即10天線水平，仍算係合理調整，只要唔跌穿呢個位，都唔需要擔心對理想今年咁正面嘅睇法。