【期匯決算】金價短線未必可以行單邊市

【Now財經台】美國1月零售銷售疲弱，美國國債孳息率及美元齊齊向下，帶動金價重上每盎司2000美元水平，不過，今個星期埋單仍錄得兩個月以來最大單周跌幅，金價後市守唔守得住2000美元？加沙局勢方面，雖然停火談判冇進展，但係咪都好難再撐起金價？

獨立外匯商品分析師盧楚仁指，唔會期望加沙局勢等地緣政治因素可以撐起金價，反而要聚焦持續轉強嘅美元走勢，但估計美元短期會初步見頂。

Jasper又指，睇好金價後市可企穩2000美元以上，但短線未必可以行單邊市，投資者可繼續留意2040美元水平。