【名家給力場】Nvidia下周出季績後炒上1100美元？

【Now財經台】美股、日股及台股表現強勢，主要係受惠於人工智能(AI)熱潮，帶動相關概念股造好，繼而推升大市，美股方面，雖然龍頭英偉達(Nvidia)股價昨晚(15日)回套，但超微電腦(SMCI)股價9連升，更衝破1000美元，美銀證券預期，未來3年AI伺服器年均複合增長率可達50%，不過，股價升到咁癲，AI板塊有冇出現泡沬嘅跡象？

冠域商業及經濟研究中心主任關焯照指，短期係會出現泡沬，始終股價升得太誇張，個別晶片股如SMCI跑得特別快，市值不斷被炒高，令市場睇好成個板塊，令股價繼續向上，但整體而言，成個AI板塊只係啱啱見到「綠芽」。

關博士又話，AI科技股有好大影響力，所以唔可以低估今輪升浪，投資者不妨留意Nvidia下周三(21日)出咗季績後，股價有冇機會升至1100美元。